Agropub

Daglengda verkar sterkt inn på vekst og utvikling hjå mange sortar. Fleire av dei beste sortane for Nord-Norge får til dømes små og krypande buskar når dei dyrkast i Sør-Norge. Dei avsluttar veksten for tidleg, fordi det er for kort daglengde i Sør-Norge allereie tidleg på sommaren for mange av dei sortane som er tilpassa veksetilhøva i nord.

Solbær er var for frost i bløminga.

Vasstilgang

Buskane treng god vasstilgang i juni, juli og september. Dersom nedbøren på staden normalt kjem til andre tider må vatningsanlegg vere tilgjengeleg.

Snø- og vinterskade

Mykje snø kan skade buskane. I strok med mykje snø bør ein difor ha eit enkelt system for å binde opp buskene om vinteren.

Mykje snø kan også føre til kveling av skota. Borken sprekk gjerne opp, og ulike sopporganismar kan få innpass.