Sortar

Det er stadig nye sortar under utvikling. Dei viktigaste foredlingsmåla i solbær er avlingsevne, kvalitet, resistens mot mjøldogg og solbærgallmidd, og opprett veksemåte. Når det gjeld kvalitet, blir det særleg fokusert på innhald av C-vitamin og tørrstoff. Det norske sortimentet skulle høve godt også for økologisk dyrking.

Aktuelle sortar i Sør-Noreg og Nord-Noreg er vist i under. Dei relativt nye Ben-sortane er utvikla i Skotland. Dei utmerker seg med opprett vekst og god resistens mot mjøldogg. To av Ben-sortane, ’Ben Nevis’ og ’Ben Lommond’, er ikkje tekne med, på grunn av sviktande resistens. Den nordsvenske sorten ’Øjebyn’ er framleis ein viktig sort her i landet. ’Hedda’, ’Kristin’ og ’Narve Viking’ er norske sortar.

Mange av sortane har synt stor variasjon i avlingsmengd og andre eigenskapar etter dyrkingsstad.

Oversyn over solbærsortar som er aktuelle for økologisk dyrking i Sør-Noreg
Sort	Avling	Mjøldoggresistens	Veksemåte	Tidleg/Sein	C-vit	Tørrstoff	Smak
Øjebyn	Middels	God	Nedliggjande	Tidleg	Lågt	Lågt	God
Hedda	Middels	God	Middels opprett	Tidleg	Lågt	Høgt	Middels
Ben Tron	God	God	Opprett	Tidleg	Høgt	Høgt	Spesielt god
Ben Alder	God	God	Opprett	Middels tidleg	Høgt	Høgt	God
Ben Tirran	God	God	Opprett	Sein	Høgt	Høgt	God
Kristin	God	God	Opprett	Middels tidleg	Middels høgt	Høgt	Spesielt god
Narve Viking	God	God	Opprett	Middels sein	Middels høgt	Høgt	Spesielt god

Aktuelle solbærsortar for økologisk dyrking i Nord-Noreg

’Øjebyn’ er middels tidleg og går bra på Helgeland og Ytre Salten.
’Jänkisjärvi’ har opprett vekst, er tidleg og gjev store bær og god avling.Vinterherdig. Tilrådd planta i Nordland og Troms.
’Sunderbyn II’ er tidleg og hardfør og sterk mot mjøldogg, men svak mot solbærgallmidd. Kan plantast i heile Nord-Norge.
’Nikkala XI’ er noko seinare enn Sunderbyn II, men gjev stor bær med god kvalitet. Veksten er krypande. Kan plantast i Nordland og Troms.
’Imandra’ er ein tidleg russisk sort som gjev god avling. Resistent mot mjøldogg. Mest aktuell lengst i nord

For nærare opplysningar om sortane må ein studere artiklane:

Nes, A., N. Oppstad og B. Hageberg, 1998: Nye solbærsortar gjev store avlingar og kan dyrkast med mindre sprøyting. Norsk frukt og bær 1/1998

Nes, A. m.fl., 1999: Resultat frå sortsforsøka i solbær siste åra. Norsk frukt og bær 2/1999

Måge, F. og K.Grønnerød, 1999: Erfaring med solbærsortar ved NLH. Norsk frukt og bær 1/1999

Øydvin. J., 1999: ’Narve Viking’ solbær. Norsk frukt og bær 2/1999