Plante- dyrking

Sjukdomar

I økologisk dyrking rår ein ikkje over virkemiddel som enkelt kan utradere problem med ugras, sjukdomar eller skadedyr. Den økologiske strategien er å legge til rette for eit balansert dyrkingssystem der ugras, sjukdomar og skadedyr ikkje får utvikle seg til å gjere uakseptabelt store skadar.

Tabellen lister opp dei vanlegaste sjukdomane som råker bringebær, og omtalar dei beste tiltaka for å førebyggje sjukdom.

Dei mest vanlege sjukdomane på bringebær og tiltak mot dei
Sjukdom Tiltak
Gråskimmel på bær Hald hekken open. Plukk reint ved kvar hausting og fjern bær som er angripne. Bæra skal ut av hekken og helst ut av feltet.
Skotsjuke Fjern gamle skot straks etter hausting og tynn hardt ut i nye skot.
Gråskimmel på nye skot Hald hekkane smale med god gjennomlufting. Fjern nye skot utanom hekken fleire gonger i vekstsesongen.
Rotråte Plant i veldrenert jord, gjerne på drill. Kjøp kontrollerte planter. Vatne ofte og lite. Unngå jord som kan vere infisert med raud rotråte. Bruk sortar som er sterke mot rotråte.
Virussjukdommar Kjøp statskontrollerte, friske planter sidan virus vert spreidd med plantemateriale og bladlus. Fjern planter ved mistanke om virus. Godt ugrasreinhald hindrar
spreiing av smitte. Ikkje dyrk bringebær etter jordbær; same nematodeartar kan overføra virus til dei begge.